Biyernes, Marso 29, 2013

Status qou*

Kini ang ako posisyon ug dili kini nagpasabot nga opinyon sa usa ka grupo.

Ang pagkamatay ni Kristel,refleksyon sa usa ka mali nga sistema nga sa karon maoy atong kasagaran makita.Bisag ingnon nga bawal,pero nagpabilin gihapon ang mali ug kultura na gipasa pasa gikan sa una hangtod karon.Makabati ta karon ug mga mulo gikan sa mga ginikanan nga nagtug-an nga komersyalisado na ang pampublikong eskwelahan.Dili na jud ta maka eskwela nga walay gasto.Tanan adunay bayad,gikan sa simple nga amotan sa test papers paiingon sa dinagko nga misc.fees ug mga PTA fees.Bisan ang gamay na ayuda sa 4Ps/CCT sa mga bata ug sa mga nanay,usahay,gusto pa kuhaon para sa eskwelahan nga unta pwede pa magamit sa bata sa iyang mga kinahanglan sa eskwelahan.Pero usahay adunay mga ginikanan nga giwala ang importansya kiini kay ila man gihimo nga tubag sa ila kawad-on.

Produkto ko sa Public Schools,nakabalo ko sa nahitabo ug memoryado nako ang estorya sa likod sa ako pag graduate sa basic education ug sa PNU.Samtang bisag mandato sa DepEd ang No collection policy,apan dili kini palisiya nga mulangtod kay sa pila ka buwan dunay mga koleksyon gihapon ang gipatuman.Pila kaha ka bata ang ni undang kay maulaw na sukton ni Ma'am ug sir?Pila kaha ka transferee ang wala gi release ang Form 137-E kay wala nakabayad sa mga karaang bayranan sa eskwelahan?Pila kaha ang mga estudyante nga hangtod karon,aduna gihapon bayronon sa eskwelahan?

Dili nato malikayan kini kay tungod sa kagamay sa pundo sa gobyerno sa Edukasyon,napugos ang public Schools sa pagkolekta sa mga ginikanan gikan sa tubig,brass cutter,kuryente padulong sa mga trabahante sa eskwelahan sama sa dugang magtutudlo,dugang security guard,utility personnel ug uban pa.

Nahadlok ko kay usahay kung maghisgot ta ani,ato madamayan ang tibuok sistema nga naggikan sa taas.Dili man dautan ang social capital ug parents and alumni capital.Nag ingon ang konstitusyon nga katungod nato ang edukasyon pero unsaon man nato ni pag define sa ato katungod nga ang pagkab-ot sa edukasyon adunay bayad.

Naulaw ko isip usa ka magtutudlo,sa katapusan ning tuig,kasagaran mag pa clearance ta,pirmi nato i emphasize ang bayronon.Dili ninyo makuha ang report card,kung dili ma cleared!Usahay maapektuhan pa ang grado sa bata kung masapot ang magtutudlo sa wala pagbayad.Usahay makumpara nato ang kadako sa bayronon sa public schools sa private schools.

Atong isinggit ang katungod sa edukasyon ug mas taas nga pondo sa sektor sa Edukasyon.

SANDRO
Isko ng Bayan

* nagpabilin gihalon ta sa bulok nga sistema...Kanus a pa kaha ni matul-id?

Walang komento:

Mag-post ng isang Komento